الوعد الساعه 4 و 44 دقيقة.. سجل كلمتك الأخيرة !



 

 
العودة   منتديات قطر فوتبول > | المنتديات العامة | > الشـــاشــة
اسم العضو
كلمة المرور
الصفحات الإضافيه التعليمـــات قائمة الأعضاء التقويم المسابقات اجعل كافة الأقسام مقروءة

الملاحظات

 


إضافة رد
 

 
 
أدوات الموضوع انواع عرض الموضوع
قديم 07-04-2007, 04:23 AM رقم المشاركة : ( 1 )
àbdŭląziž
فوتبولي درجة أولى

الصورة الرمزية àbdŭląziž


 
 SMS :

hi

àbdŭląziž صاعد
شكراً: 0
تم شكره 0 مرة في 0 مشاركة


Confused أفلام الشواذ : boys don't cry, monster & transamerica (دعوة للنقاش) !!








Boys Don't Cry trailer

Monster trailer


transamerica trailer

شفت افلام واااايد وااااايد .. الصراحه .. معظمهم مالهم فايده .. خرابيط في خرابيط ..
واللي صج فادوني وخذت عبره منهم قليل جدا..
اغلب الافلام اللي تنشهر .. افلام الاكشن اللي مالها فايده ..
اتشوف الفلم .. واتخلص منه
وتنسى انك شفته اليوم الثاني ..

عكس الافلام اللي لها مغزى او معنى يفيدك .. صج مدتها ساعتين.. بس مغزاها ينحفر فالذاكره ..اتم معاك فتره طويله ..
تاخذ منها فايده يمكن اتنبهك او اتغير تفكيرك عن مشكله كبيره.. موجوده حولينك وانت ماتدري عنها ..


هالنوعيه من الافلام.. ممكن انها .. اتعرفك على حياة الناس .. اتشوف مشاكلهم .. واتحاول انك تتجنبها ..
على عكس معظم الافلام اللي تكون فايدتها محصوره للتسليه بس .

مثل اخر فلم شفته اسمه ,, half nelson
قصته عن مدرس مدمن مخدرات حياته تعيسه .. مافي اتعس منها ..
ماله اصحاب .. ماله حد فالدنيا غير الزقاير والمخدرات ..
تحمد ربك عالنعمه والله ..

اما بالنسبه للافلام اللي حطيتها لكم فوق ..

شفت فلم مونستر من سنه تقريبا ..
مادريت انه عن شذوذ جنسي الا عقب ماشغلته وشفت اللي فيه .. والا جان مافكرت اني اشوفه ..
بس اندمجت مع الاحداث ..
خلص الفلم وانا متكدر .. لان اللي كنت اشوفه مرض .. الواحد يتكدر لو يشوف اي حد جدامه مبتلي في مثل هالمرض ..
يعني .. قمت افكر في سالفه الشذوذ الجنسي بطريقه جديه ..
كنت اسمع عن هالنوعيه من الناس.. وماكنت اهتم لهم
لان ..
عقولهم مشوشه .. ومب طبيعيين ..
..

مع الوقت .. اكتشفت انه هالشي ممكن ايكون مرض نفسي .. وممكن ايكون باراده الشخص ..
يعني مسببات كثيره اتخلي هالشخص ايمارس هالنوع من الشذوذ ..
بس بعد هالشي مش مبرر..
حتى لو كان مبتلى .. او كان فيه عيب خلقي..
مايبرر هالشي انه يتجه الاتحاه الخطأ ويمارس الممارسات الشاذه ..
بالعكس .. في انواع من العلاج النفسي اتعالج هالمرض..
في دكاتره نفسانيين ايعالجون مثل هالامراض..
..
مب كل فلم يطرح قضيه الشذوذ الجنسي ايايده ..
يعني بروك باك ماونتين .. امبينين هالشي عادي وامسوين قصه حب بين شابين ..
هاي ماشفته ولاعمرري باشوفه ..
بس هالثلاث افلام اللي حطيتها لكم ..
تطرح هالقضيه بشكل ايخليك تتخرع منها..
..

صج ان فيها مشاهد مقززه .. اتلوع الجبد ..
والله تكدرت يوم شفت هالمقاطع و المشاهد..
بس ترى لها مغزى..و مب مغزى جنسي نفس باقي الافلام .. مغزاها ان اتحسسك ان هالشي مرض وانه شي مب طبيعي ..

انا انصح ان كل (كبير فوق ال18) ايشوف هالافلام وياخذ عبره منهم ..
لان سمعت .. ان هالمشلكه منتشره وايد في قطر .. وسمعت انهم ايسوون بلاوي ابسبته.. يتزوجون
ومادري شيسوون ..
ادري مافي وعي .. واغلبهم ماعندهم اللي ايقولهم ان هاي غلط وايبين لهم انه مرض ..
فعشان جي .. مافي مانع ان الناس يتثقفون من خلال هالافلام .. ويشوفون هالمرض وين يقدر ايوصل الواحد..
وعلى فكره .. فلم بويز دونت كراي .. وفلم مونستر .. قصصهم حقيقيه\

فلم بويز دونت كراي .. عن وحده عندها مرض عضوي ..
يعني مب مرض نفسي ..
بس شوفو اشصار فيها نتيجه رغبتها في ممارسة الممارسات الشاذه ..
..

اما ترانس اميريكا .. فهو يتكلم عن واحد امحول من رجال صار مره ..
صج ايلوووع الجبد .. بس شوفو اشلون المعاناه والمرض اللي عايش فيه .. وشوفو التاثير على اهله!!



فلم بويز دونت كراي .. من بطولة .. هيلاري سوانك .. اللي خذت جائزه اوسكار على دورها فيه ..
وعلى دورها في فلم ميليون دولار بيبي .. اللي اعتبره من احلى الافلام اللي شفتها ..






فلم مونستر .. من بطولة شارليز ثيرون .. اللي خذت هي الثانيه جائزة اوسكار على هالفلم ..





فلم ترانس اميريكا .. من بطولة فيليسيتي هوفمان (وحده من بطلات ديسبريت هاوس وايفز) ..
واللي ترشحت لجائزة اوسكار على هالدور .. وفازت بالغولدن غلوب ..




انا حطيت الموضوع عشان انبهكم على هالافلام اللي بتبين لكم مدى خطوره هالمشكلة ..
لحد ايجي ايقولي اتحث عالخراب والا اتحث على اشيه مب زينه ..

عالعموم .. اتمنى اسمع راي اي حد شاف اي فلم من هالافلام ..
واتمنى انكم تستفيدون منهم وتاخذون العبره منهم ..

ويعطيكم العاافيه ..











àbdŭląziž غير متصل رد مع اقتباس
التعديل الأخير تم بواسطة àbdŭląziž ; 16-04-2007 الساعة 01:16 PM.
قديم 07-04-2007, 07:25 AM رقم المشاركة : ( 2 )
εï Espαηα GίrL ïз
فوتبولي محترف

الصورة الرمزية εï Espαηα GίrL ïз


 
 SMS :

.

εï Espαηα GίrL ïз صاعد
شكراً: 1
تم شكره 0 مرة في 0 مشاركة


... اول شـي يعطيكـ العافيهــ Mŏ Cuişhle .. موضوع روعة ويشرفني اكون اول رد عليهـ ...

.. انا شفت فلمـ boys dont cry من كم سنهـ ...
.. ماكنت ادري عن قصتهـ .. بس خذتهـ العنوان عجبني وحسيت ان الفلمـ حلو ...

.. بس مثل ماقلت صج ان قصتهـ تلوع الجبد بس صراحهـ اندمجت فيهـ ...
.. بس النهايهـ بطت جبدي ... يعني في الاخير اذبحــو البنت مااستفدنـا شي ...

.. ع الاقل لو مخلينـها اتعالج عشان اللي مثلهـا وودهـا تتغيـر لما تشوف الفلمـ راح اتشجع
انها ترجع طبيعي ...

.. الفلمين الباقي ماشفتهمــ ...

... و gracias ع الموضوع الحلوو ...






Seasons came and changed the time, when i GREW UP i called him MIIIIINE
εï Espαηα GίrL ïз غير متصل رد مع اقتباس
قديم 07-04-2007, 09:19 AM رقم المشاركة : ( 3 )
Дявαωί FαβυŁoûs
°● « ρнεηoмεηαl » ●°

الصورة الرمزية Дявαωί FαβυŁoûs


 
Дявαωί FαβυŁoûs صاعد
شكراً: 103
تم شكره 514 مرة في 284 مشاركة

الأوسمة التي حصل عليها



اقتباس:
.
.

Reserved

.
.

:: Mŏ Cuişhle ::

أول شي أهنيك على طرحك لهالتوبيك......وللأسف البعض يركز على أفلام أطلق عليها "اليهالوه" ويطقعون حق أفلام لها رسالة ومعنى خاص........والأفلام إلي ذكرتهم خير دليل على ذلك بحيث فيلم Boys Don't Cry من الأفلام القوية وإلي من وجهة نظري محد يقدر من الممثلات يتقن الدور غير هيلاري سوانك وقصته مثل ما ذكرت عن بنت تعاني من مرض عضوي وهرمون الذكورة هو المسيطر عليها......والشذوذ هو مرض نفسي والشخص إلي يعاني منه فيه عقدة ويقول في نفسه يبي يكون بنت ومب ولد والعكس بس المشكلة إن البعض يفسر إن الشذوذ من الشخص نفسه يعني هو يا مجنون أو مخلوق بالغلط !! وفيلم Monster بعد نفس شي يعالج هالقضية الخطيرة والشخص يضطر يسوي أشياء عمره ما سواها في حياته مثل الدعارة, القتل, الإغتصاب, وغيرها وكوني شفت Boys Don't Cry و Monster صراحة من الأفلام إلي ماراح أنساهم والدليل ترشحهم لجائزة الأوسكار وهذا إن دل وإنما يدل على نجاح القائمين عليهم وطبعاً هم Based On True Story وشفت لقطات من الشخصية الحقيقية لــ Aileen وتحديداً في حفل جوائز الأوسكار........أمما فيلم Transamerica هالفيلم سمعت عنه بس لحد ألحين ما شفته بس راح أشوفه قريب لأن قصته مشابهة لـــ Boys Don't Cry و Monster وطبعاً Brokeback Mountain مختلف تماماً عنهم لأن قصته قصة حب بين شاذين وطبعاً هالحالة لها علاج وذلك من خلال زيارة المختصين من الأطباء النفسيين ومشكلتنا هني في قطر مشكلة كثيرة من البويات وغيرهم طبعاً وهالشي يرجع لإهمال الوالدين لأبنائهم ومرافقة رفاق السوء.......وطبعاً في أفلام كثيرة لها هدف سامي مثل Radio وإلي من خلاله نتعرف على شخص معاق والكل يعتبره نقطة سوداء في البشرية ولكن شوف الإصرار والعزيمة وترى في معاقين صاروا دكاترة ومتقدمين في العلم وأحسن من الأشخاص المعافين وإلي ما حددوا لهم هدف في الحياة وطبعاً قصته حقيقية وحدثت بالفعل......وفي أفلام ثانية مثل Men of Honor, Philadelphia, وغيرها شفتها وشدتني لأن فيها مغزى ومعنى ومب أي فيلم بس تعال وشوف وخلاص أوكي الفيلم حلو ويضحك وفي النهاية ما إستفدنا شي.......وأنا أنصح إلي يبي يشوف الأفلام الثلاثة إلي ذكرتهم يكون فوق الــ 18 سنة ولحد يقول هالفيلم قصته **** وغيرها لأ مب هالشكل وترى هذي أفلام لها معنى وذلك من خلال مشاهدتك لها.......

وإسمح لي يا L o s t عالإطالة وكنت بقول أشياء كثيرة......بس أكتفي بهالقدر وأشكرك مرة ثانية عالتوبيك لأني أحب مثل هالمواضيع النقاشية وعشان نسوي Variety للمواضيع.......=)

Pvt شفت Half Nelson وأفكر أشوفه مرة ثانية










Sσяяίsσ Dεł Tεмρσ PERDUTO
Дявαωί FαβυŁoûs غير متصل رد مع اقتباس
التعديل الأخير تم بواسطة Дявαωί FαβυŁoûs ; 07-04-2007 الساعة 03:09 PM.
قديم 07-04-2007, 02:02 PM رقم المشاركة : ( 4 )
GirlyGirl
فوتبولي محترف

الصورة الرمزية GirlyGirl


 
GirlyGirl صاعد
شكراً: 2
تم شكره 0 مرة في 0 مشاركة


.
.

إبـداع الموضوع والله يا موكشلي

اتفق معاك ان أكثر الافلام اللي تنشهر تكون اكشن وغيره ..

وقت الفلم تشتط وياهم وتندمج بس بعده .. ماستفدت شي !

بالنسبة للنوع اللي تكلمت عنه ..

ترى أنا من عرفت "الشذوذ" وانا حاطه فبالي انه "مــرض"

يعني مافي انسان بس جي "شاذ" بدون أسباب !

أكيد فيه أشياء نفسية أو غيرها حدته يكون جي .. والله يعينهم صراحة !

بس أنا من رايي ان لو اعرضوا هالمشكلة المفروض يعرضونها كـ "مشكلة" أو "مـرض"

ويحاولون يطلعون بحل لها .. اما لو يعرضونها كـ شي عادي .. فهاي مشكلة أكبر !

للأسـف أنا ما شفت ولا فلم من هالثلاثة بس شدوني Boys Don't Cry & Monster

ان شاء الله قريب اشوفهم واحتمال يكون لي عودة فالموضوع ..

بس في بعد أفلام ممكن تستفيد منها أشياء ثانية غير هالمشاكل ..

يعني أنا صراحة أحب الافلام التاريخية .. احس فيها عبرة وقصص حلوة !

على راسهم Braveheart مع انه قدييييم بس مؤثر وايد صراحة ..

يعني صج يوم تشوفه .. تشوف فلم يمتعك ، يشدك ، يأثر فيـك ويفيدك !

عمومـاً .. مابي اطول بس موضوع نقاشي رائـع صراحة =)

ويعطيك ألف عافية

.
.









Success Is Simple
Do What's Right, The Right Way, At The Right Time


GirlyGirl غير متصل رد مع اقتباس
التعديل الأخير تم بواسطة GirlyGirl ; 08-04-2007 الساعة 08:39 AM.
قديم 07-04-2007, 06:02 PM رقم المشاركة : ( 5 )
ســـ قطر ـــد
C H i C H A R I T O 14

الصورة الرمزية ســـ قطر ـــد


 
ســـ قطر ـــد صاعد
شكراً: 86
تم شكره 365 مرة في 43 مشاركة




_


هلا هلا مو كشلي ..
والله موضوعك حلوو ومشوووق ..
وانا الصراحه شفت فلم ( MONSTER )
وعلى فكرة هالفلم نزل عندنا في سينما ( السيتي )
بس كنسلووه من بعد ثاني او ثالث عرض .. ومن حظي ( الحلوو ) اني شفته في السينما ..
وهو كان مقطع .. ويمكن اللي ما يعرفون انجليزي ما فهموا شالسالفه ..
لان صج صج التقطيع خرب الفلم .. وهاي الشي اللي خلاني الصراحه اشتريه دي في دي
وشفته كامل لاني صج كنت ميت ابي اعرف شسالفه البنت ويا رفيجتها ..
واخر شي اطلعوا ....................... !!
بس البنت والله كسرت خاطري ..لان الظروف اللي خلتها تتجه حق هالشي ..
ومثل ما قال دي جي .. فاب بان هالافلام من نوعيه الافلام اللي تاثر في الواحد ..

وبعد في نقطه اني صج ما اتخيل ان الفلم اللي شفته دي في دي ..
ينزل كامل في السينما .. مادري ليش احس ان ( في ناس ) عقولها اصغر من انهم يستوعبون رسالة الفلم ..


واهنيك على الجرأة في انزال الموضوع
ولو اني شفته في التجارب من شهر يمكن وكل يوم احسك تتردد اتنزله رسميا


برايفت موكشلي :
وبس هذي سوالفك انت
واسمحلي غيرت العنوان شووي .. خليته اكثر تشويقا







.

يـا مغيّـــر(ن) فـ عيــونـي .. أصـــل العــلاقـــــه !




تخيّلـوا عـَــدو ,, يــعشـق .... / ( عــدوّه ) !
.
ســـ قطر ـــد غير متصل رد مع اقتباس
قديم 07-04-2007, 07:23 PM رقم المشاركة : ( 6 )
Nothing Impossible
فوتبولي محترف

الصورة الرمزية Nothing Impossible


 
Nothing Impossible صاعد
شكراً: 0
تم شكره 0 مرة في 0 مشاركة


والله انا ماشفت الافلام اللي تكلم عنهم .!
لاني بالعادة احب الاكشن و الكوميدي و الدراما

بس بصراحه شوقتوني بطريقة الطرح و حل المشاكل ..


قواك الله اخوي موكشلي و لا تحرمنــا جديدك .,






Nothing Impossible غير متصل رد مع اقتباس
قديم 07-04-2007, 08:39 PM رقم المشاركة : ( 7 )
سـداوي فـورافـر
فوتبولي محترف

الصورة الرمزية سـداوي فـورافـر


 
 SMS :

Helllllllllo

سـداوي فـورافـر صاعد
شكراً: 8
تم شكره 2 مرة في مشاركة واحدة


^
^

من زمان وانا اقولك نزله لول..
المهم اكيد مثل ماقلت في فئه قليله تحب هاي النوعيه
من الافلااام.. والكثير منهم يحبون الكوميديا والاكشن الى تشوفها
وفي موقتها تنساها لانها ماتفيدك بعدين.. بعكس افلام تاثر فيك بشكل
غير طبيعي..مرات تغيير طريقه تفكيرك بالشي..مثلا الشذوود له عده اسباب..
هو مرض نفسي مانختلف عليه .. بس في سبب اشووفه قووي وبنقله مثل ماهو..


إنه ناتج من وجود خلل في شخصية الإنسان، والطريقة التي تربّى بها وضعف عملية التقمص مع الوالدين لوجود نوع من الاضطراب في العلاقة معهما.
والقول الفصل في هذا الأمر: إن كل هذه الأسباب لا تعفي الإنسان من المسئولية الكاملة عن الوقوع في هذا الذنب والقدرة على محوه وتغييره، والدليل على ذلك هو الدعوة الدائمة لقوم لوط ومن هم على شاكلتهم في القرآن الكريم بالانتهاء عن هذه الأعمال.


يبقى لنا مناقشة قضية طالما أثارت جدلاً واسعًا بين علماء الغرب. هل الشذوذ الجنسي قابل للعلاج؟ يعتقد فريق من العلماء في الغرب أن محاولة علاج الشاذ جنسيا بما أن الشذوذ الجنسي – في اعتقادهم- ما هو إلا تنوّع طبيعي للممارسة الجنسية، وأن محاولة علاج الشذوذ الجنسي لن ينجم عنه إلا إصابة الشاذ بألم نفسي أكبر. والأصل عند هؤلاء هو إقناع الشاذ بأنه طبيعي، وجعل الشاذ يتصالح مع اتجاهاته الجنسية!، إلا أن هناك فريقا آخر يدافع عن حق الشاذ في العلاج من حالته تلك إذا رغب في ذلك.


والافلام ناقشوا هذه القضيه بس لاسف انا ماشفتهم ..
بس ان شاء الله بحاول اشووفهم قريب..والحلو انهم خذوا جوائر ك فكره و تمثيل ..
واشكرك يا موكشلي على الطرح الرائع والموضوع الجرء والمفيد..




_______

سـداوي فـورافـر غير متصل رد مع اقتباس
قديم 07-04-2007, 11:17 PM رقم المشاركة : ( 8 )
رهــ(R.A.R)ــيب
فوتبولي محترف

الصورة الرمزية رهــ(R.A.R)ــيب


 
النادي المفضل AlRayyan
رهــ(R.A.R)ــيب صاعد
شكراً: 18
تم شكره 4 مرة في 4 مشاركة


انا شفت الافلام الثلاث واقواهم بويز دونت كراي

يعطيك العافيه على الموضوع الحلو

بس ترا ربعنا هنه اغلبهم ماراح يحبون هالافلام او فلام الدراما بشكل عام
لان مثل ماقلت الذوق العام هنه طم طاخ بوووووووم موفيز








You Will Never Walk Alone

رهــ(R.A.R)ــيب غير متصل رد مع اقتباس
قديم 09-04-2007, 07:12 AM رقم المشاركة : ( 9 )
àbdŭląziž
فوتبولي درجة أولى

الصورة الرمزية àbdŭląziž


 
 SMS :

hi

àbdŭląziž صاعد
شكراً: 0
تم شكره 0 مرة في 0 مشاركة


εï Espana GirL ïз

الله ايعافيج اختي ..
اشكرج على مرورج الكريم ..
فلم بويز دونت كراي فلم قوي .. واقوى واحد بينهم ..
وهو على فكره قصته حقيقيه ..
والاحداث اللي في الفلم مطابقه للقصة الحقيقيه ..
وبالعكس ..
يوم اذبحو البنت .. بينو انهم كرهوها يوم درو انها بنت ..
يعني في البدايه كانو ربعها .. بس كرهوها يوم درو انها بنت لدرجه انهم اغتصبوها واذبحوها ..

عالعموم .. اشكرج اختي عالرد .. :)..











Arbawi Fabulous

ياهلا فيك مستر دي جاي :) ..
انا عشان جي حطيت هالموضوع .. عشان اعطي مثال لهالنوعيه من الافلام اللي اتفيد الواحد ..
مب بس عشان افلام الشواذ ..
هيلاري سوانك والله فناانه ..
وهي ترى انولدت ابنفس المدينه اللي انولدت فيها البنت الصجيه ..
لا وتشبهها بعد ..لول .. واكيد محد يقدر يتقن هالدور غيرها
والدليل خذت جائزة اوسكار وغولدن غلوب وجوائز ثانيه على هالدور ..

اما فلم مونستر .. يعني شوف هالمره اللي تمشي في الشوارع ورزقها عالدعاره ..
والبنت الثانيه المريضه الشاذه جنسيا .. طاحو على بعض لان مافي حد بيرضى فيهم ..
بس شوف النتيجه .. وشوف اللي صار ..
والله اتخرع واتلوع جبدك ..

دام شفت بويز دونت كراي ومونستر .. عيل باقي لك فلم ترانس اميريكا ..
مب نفس قوة الفلمين بس بعد يحمل نفس المعنى ..
وفيليسيتي كان تمثيلها ..(ترى مابالغ) .. والله فنااااااانه هالممثله وحرام مافازت بالاوسكار .. كانت تستاهل اكثر من ريز ويذرسبون..
وهي الوحيده اللي خلتني اطالع الفلم والا انا ماكنت بطالعه ..

اما الافلام اللي حطيتها ..
ماشفت ولا واحد فيهم .. بس شطيتني عليهم والله .. يبيله ااجرهم ..
اما هالف نيلسن .. اي حد ايجيني من الشباب لازم اشغله له ..
وخاصه اللي يدخنون منهم .. لوول
عاد هم ماتعجبهم هالافلام .. ايقولون لي مب شي ايزهق !!

عالعموووووم يا دي جاي .. اسعدتني والله بردك (الممتتتاز) ونقاشك وكلامك الطيب .. :) ..
يعطييك العاافيه ..
وعاد شد حيلك ياعرباوي.. نبي مواضيع نقاشيه في القسم .. مب بس تقارير واخبار ..
وبعدين شتسوي في منتدى الرهيب هااه؟؟ لووول

....

àbdŭląziž غير متصل رد مع اقتباس
قديم 09-04-2007, 08:41 AM رقم المشاركة : ( 10 )
T A Ł A Ł
B A V A R I A N

الصورة الرمزية T A Ł A Ł


 
 SMS :

"اللهم لاسهل إلا ماجعلته سهلاً "

T A Ł A Ł جيد
شكراً: 328
تم شكره 396 مرة في 221 مشاركة


تسلم اخوي Mŏ Cuişhle على الموضوع النقاشي المميز..

انا الصراحه ماحصلي الشرف اني اشوف هالافلام.. مع ان فيلم مونستر اكثر من مره انعرض ع الشوتايم بس ماكانت عندي الفرصه اني اشوفه ^_+

لكن بالنسبه للفيلمين الاخرين.. من كلامكم واضح انهم حلوين ويستاهلون ان الواحد يشوفهم..

راح انزلهم او حتى اشتريهم ان شالله واشوفهم وارجع لكم=)

انا تعجبني الافلام اللي تكون مستوحاه من قصص واقعيه..

اقتباس:
المشاركة الأصلية كتبت بواسطة رهــ(R.A.R)ــيب 
  
بس ترا ربعنا هنه اغلبهم ماراح يحبون هالافلام او فلام الدراما بشكل عام
لان مثل ماقلت الذوق العام هنه طم طاخ بوووووووم موفيز

ههههههه










T A Ł A Ł غير متصل رد مع اقتباس
قديم 10-04-2007, 12:14 PM رقم المشاركة : ( 11 )
àbdŭląziž
فوتبولي درجة أولى

الصورة الرمزية àbdŭląziž


 
 SMS :

hi

àbdŭląziž صاعد
شكراً: 0
تم شكره 0 مرة في 0 مشاركة


غيرلي غيرل ..

تسلمين والله ياجي جي .. :) ..
انا عشان جي باحرص ان اتكون مواضيعي الجايه عن نوعيه الافلام اللي اتفيد الواحد ..
عشان ايكون في تنوع في القسم ..
وانتو بعد شدو حيلكم وحطو لنا مواضيع نفس هاذي.. عشان ايكون فيه تنويع فالقسم..
صج ان محد بيهتم وناس قلائل اللي بيردون ..
بس معليه احنا بنحاول نجذب العالم عشان ايشوفون هالنوعيه من الافلام اللي اتفيد الواحد ..

كلامج عن الشذوذ الجنسي عدل 100% ..
كفيتي ووفيتي ..

ولازم اتشوفين عالاقل فلم بويز دونت كراي .. واحنا في انتظار عودتج وفي انتظار سماع رايج فيهم..
عالعموووم اشكرج يا جي جي عالمشاركه الحلوه ..
ويعطييج العااافيه :) ..





سد قطر

هلا والله مستر سد قطر .. :)
تسلم :) ..
في افلاام وااايد اينزلونها فالدوحه وعقب ايشيلونها ..
انزين دام ان اتعرفون الناس في الدوحه ماتايد هالنوعيه من الافلام..
ليش اتحطونها من الاساس

بس زين سويت .. زين خذته دي في دي ..
اصلا هالافلام ماتنفع تنحط فالسينما .. حدك اتاجرها واتشوفها مره وحده وبس ..
لان مثل ماقلت في ناس عقولهم اصغر من انهم يستوعبون المغزى اللي في الفلم

عالعمووم ياسد قطر .. اشكرك والله عالتفاعل وعالرد اللي اسعدني :) ..
يعطيييك العااافيه ..

برااايفت ..

لوووول .. شاسوي الزهق ومايسوي!!
وثاانكس عالتعدييل
..

àbdŭląziž غير متصل رد مع اقتباس
قديم 14-04-2007, 02:15 PM رقم المشاركة : ( 12 )
WHITE WOLF
فوتبولي محترف

الصورة الرمزية WHITE WOLF


 
WHITE WOLF صاعد
شكراً: 44
تم شكره 78 مرة في 36 مشاركة


وماخفي كان اعظم!!






تعصي الإله وأنت تظهر حبه ... هذا محال في القياس بديـع

لو كان حبك صادقا لأطعتـه ... إن المحب لمن يحب مطيـع

في كل يوم يبتديك بنعمــة ... منه وأنت لشكر ذلك مضيع

أحمدك ربي وأشكرك على ماأنعمت به علينا من النعم حمدا يليق بجلالك .. لا محمود سواك ولامعبود بحق إلا أنت .. اللهم ارحمنا في الدنيا والآخرة .
.

ولاهنتوا ياأحبة
WHITE WOLF غير متصل رد مع اقتباس
 

إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 02:56 PM.


Ads Management Version 3.0.1 by Saeed Al-Atwi